Role of word ‘S’ in my life…

Maine meri zindagi ki Shuruwat ‘S’ se ki hai….Jaise…

‘S’ se mera janm September mahine me ‘S’ se Salumber shahar me hua. Ittafak se ‘S’ se mujhe Singhvi gautra mili. ‘S’ se maine Sapne dekhe to ‘S’ se achhe Sanskar mile. ‘S’ se Samay ne esa mod liya ki ‘S’ se meri Shaadi ‘S’ se Sunita se hui… jisse ‘S’ se naye Sambhandh mile jaise ‘S’ se Sasurji, ‘S’ se Sasuji, ‘S’ se Saleji, ‘S’ se Saliji… Kher yah baat alag hai ki mere koi Saali nahi hai… :)
‘S’ se Study ke liye ghar chhoda, to dur rahkar ‘S’ se Sachha ‘S’ se Saath nibhane wale ‘S’ se Saathi bane… aur ek khaas baat ki humne ek group banaya RHADM (Rahna Hai Aapke Dil Me) aur uski taarikh bhi ‘S’ se September mahine me ‘S’ se Saat thi… ese hi ‘S’ se Shararat karte hue ‘S’ se Sabhi bichad gaye. Aur is tarah….
‘S’ se Saat saal ghar se bahar rahne ke baad ‘S’ se mujhe September mahine ki ‘S’ se Satraha tarikh ko meri ‘S’ se Software field me job lagi… phir vaha ‘S’ se naye Saathi bane…

Ab to bhagwaan bhi mere par mehrbaan hone laga… wo kaise? to suno…
‘S’ se Sepetmber mahine ki ‘S’ se Satraha tarikh ko mere ghar ek laxmi aayi.. ha dosto, mere ek beti hui..Manikarnika (Manu) aur uske kuch dino baad hi meri ‘S’ se Salary 12000 se badkhar ‘S’ se 17500 ho gayi… jab manu se ‘S’ se Saat mahine ki thi tab chutki bajana sikh gayi.

Pata nahi ab to ‘S’ kaha tak meri zindagi me ‘S’ se Saath dega…
Abhi to yah ‘S’ se Shuruwat hai, ‘S’ se Samapt nahi hua hai…..